منتدى طلاب كليات الطب
اهلا وسهلا بك
يرجى التعريف عن نفسك اذا كنت عضوا معنا

او التسجيل اذا اردت المساهمة

يعلن المنتدى عن فتح باب الادارة والاشراف امام الاعضاء الجدد حتى يكتمل كيان المنتدى



منتدى طلاب كليات الطب

منتدى طلاب كليات الطب المختلفة (طب بشرى -صيدلة - اسنان -طبيعى-بيطرى- معلومات طبية للعامة)بالاضافة الى بعض الاقسام العامة - اقسام اسلامية وترفيهية
 
الرئيسيةاليوميةمكتبة الصورس .و .جبحـثالأعضاءالمجموعاتالتسجيلدخول

شاطر | 
 

 يوميات طبيب امتياز

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
MEDEGYPT
مدير المنتدى
مدير المنتدى
avatar

عدد المساهمات : 259

مُساهمةموضوع: يوميات طبيب امتياز   الأربعاء يوليو 08, 2009 1:00 am


--------------------------------------------------------------------------------

اهلا اهلا اهلا

استكمالا لسلسه كيف تصبح طبيبا (بعد اربعين سنه)


نبتدى منين

نقول مثلا من اول ما ظهرت النتيجه


كلنا قلنا انا هعمل وهعمل وهعمل وهكسر الدنيا وعلى راى واحد صاحبى هبقى اروش واحد فى الامتياز

مثلا انا قلت هقعد فى صيدليه وتانى قال هقف فى استقبال اى مستشفى
وتالت قال هزاكر معادله




كل دا راح واتنسى

هتقضى اسبوعين نوم واسبوعين تعيط على النتيجه وهوووووووووب
كرسى فى الكلوب

مطلوب من تسحب ملفك وتقدم


ويلكم

انتا دلوقتى موظف رسمى


***///***///***///***///***///***///

لاتراكمى ظهر ولا ترتيب راوندات ظهر الا قبل الاستلام بتلات ايام

وتلاقى ناس تحول وناس شغاله برايفت وانتا نايم فى الخط

واستقبلت صدمه ان لوحدى فى التوزيع مقدميش اى حل الا انى احول لراوند انتيمى او هوا يحولى او نحول كلنا لراوند تانى فيه كل اصحابنا
طبعا بعد مداولات ومحاولات وكر وفر

تلاقى نفسك دخلت الامتياز

ولا انتا فاهم حاجه
ولا حد فاهم حاجه



**///***////****////****////****////****

اول يوم



استقبال

طبعا انتا قاعد مش فاهم حاجه ورئيس تمريض الاستقبال (تقريبا هوا الكل فى الكل)
فاهم اكتر منك


ربنا رزقنا بنائبه محترمه جدا

قعدت تشرحلنا وتفهمنا وسالتنا سوال مهم جدااااااااااااا

انتم عايزين تتعلموا ولا؟؟؟

قلنالها نتعلم

واستلم بقثى
جرعات وامراض وفلويد وهيصه


جعنا

طبيعى

ما احنا بشر

طيب فين الاكل

مفيش اكل للامتياز لمده تلات ايام على الاقل


طيب نعمل ايه احنا هنصرف على الحكومه

خلاص نروح نجيب اكل

طيب النواب عايزين اكل
وقال ايه همبورجر وسوسيس

طيب نجيب

هباااااااااااااااااااااااااااااااااااااااا

الحساب 70 جنيه؟؟؟؟؟!!!!!!!!!!!!!!!


طبعا واحد صاحبى اللى شال الليله ولم من الفلوس 50 بالعافيه والباقى اتحمله هوا



واول يوم انتهى من 8 الصبح ل 8 الليل


**//**///****////****///****////

الدروس المستفاده من اول يوم

1** انواع المضادات الحيويه

2** اسبابب التشنجات فى الاطفال

3** كيف تعالج ضيق تنفس شديد

4** كيفيه حساب السوائل والمحاليل لطفل



طبعا دا اللى فهمته وقدرت استوعبه

يمكن الايام الجايه اعرف اعمل ورق اكيد هنزله بس ربنا يسهل


اليوم الثانى


عياده الاطفال


رحنا مضينا حضور تقريبا 8.30

طيب هيا فين العياده دى؟؟؟

محدش عارف

لغايه التمريض ما لنا على مكانها

طبيعى مش هنعرفه لانها تقريبا فى البدرووووووووووووم


المهم قعدنا وفتحنا العياده الخارجيه ورشينا ميه وظبطنا الكراسى(اكيد عشان نستفتح)

دخلت دكتوره كبيره وقعدت واتلمينا حواليها زى النحل


دخلت حوالى 20 حاله

14 التهاب اللوزتين
5 التهاب رئوى
1 واحده عمله عمليه وتقريبا مبهدلين الدنيا



كل اللى اتعلمته

1** وجع بطن مع سخونه يبقى شك فى اللوز

2** تسمع القلب فى البدايه عشان تحدد هتدى بنسيللين ولا مضاد حيوى تانى

3** لما تدخل التونج ديريسور متلمسش اللسان ومره واحده نزل اللسان لتحت عشان تكشف اللوزتين

4**مش معنا ان اللوزتين ان حجمهم كبير يبقى ن\ملتهبين

لا لازم تشوف اللون والحجم وتقارنهم ببعض وتقارنهم بحجم فتحه الحلق

5** فى حوالى 10 انواع ادويه فى المستشفى مطال تكتب منهم
كيبوركس
وايدروكسيل
وبرونكوفين
هكملكم الباقى لمال افتكرهم








اتعلمت ايه
انى امد ايدى واسمع واسال واشوف ايه الللى بيتكتب



العياده انتهت الساعه 1.30


النهارده عندى نباطشيه ليله من الساعهخ
8 الليل ل 8 الصبح




الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://medegypt.almountadayat.com
 
يوميات طبيب امتياز
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى طلاب كليات الطب :: اطباء امتياز وحديثى التخرج :: ارشيف المواضيع القديمة-
انتقل الى: